Topónimos:

Na estrada N-525 -Ourense-Santiago-, a 693 metros de altitude e entre a Serra Martiñá e a comarca natural de Os Chaos de Amoeiro, Viduedo é un asentamento rural –posiblemente xurdido fai unhos cincocentos anos- que hoxendía agrupa nun único núcleo de poboación a dous pobos orixináis: o propio Viduedo e a Alén, con arredor de cincoenta veciños e unhos cen habitantes,

A dispersión inicial do actual asentamento é perfectamente visible ainda na actualidade a través da súa disposición urbanística, que se articula en barrios: “O Campo”, a “Cubeliña”, o “Lugar”, o “Cornello”, a “Laxiña”, o “Palacio”, o “Agro”, o “Cacifo”, a "Cruz" e a “Alén”. Compre deterse nas denominacións dos distintos barrios:

O “Lugar” ou núcleo orixinal do pobo de Viduedo, que está delimitado por un polígono imaxinario que ten os vértices na Eira dos Ferreños, na antiga “Fonte do Lugar” e a capela. Posiblemente o nome de “lugar” lle veña da expresión “lugar acaseirado” que era como se lle chamaba a unha casa -podía perfectamente ser o conxunto coñecido como “Casinos”, a beira da eira dos Ferreños- con terras de cultivo.

O “Cornello”, denominación que moi posiblemente evolucionara da inicial de “Cornecho” xa que, esta última, da nome o sitio que queda no extremo de algo e, máis concretamente, dun terreo ou propiedade que moi ben podería ser o conxunto do “Lugar”, co que linda.

A “Cubeliña”, nome de orixes incertos por canto pode vir da palabra “cobeliña” -vagoada pequena, ou de “couval” –horta onde se plantan verzas- e tamén de “coviliña” –casa escura e pobre-.

A “Laxiña”, derivación de “laxa” –penedo grande que presenta a flor de terra unha superficie lisa- e que fai referencia expresa o penedo sobre o que se erguen as casas deste barrio.

O “Palacio”, denominación da que compre suliñar que garda semellanzas coa de “Pazo” pero que se refire, concretamente, a residencia sumptuosa dun persoaxe importante; barrio no que, efectivamente, erguese o “Palacio” que ten o escudo de armas máis importante da ruta xacobea mozárabe ou da plata.

O “Agro”, que como o seu nome indica fai referencia ó conxunto de terreos cultivados ou cultivables que quedaban perto du núcleo urbán do pobo.

O “Campo”, que significa “sitio espazoso fora dunha poboación” e que  posiblemente é o barrio de máis recente construcción –con cen anos de antigüedade- de Viduedo.

O “Cacifo”, xenéricamente chámaselle “cacifo” a calquer vivenda, lugar ou recipiente que está destiñado a conter cousas de pouco valor; pero tamén pode vir de “cacipo” que, en algunha das súas acepcións, refírese a un lugar onde se criaban coellos ou no que había un cabaceiro de escaso valor.

A "Cruz", se ben semella que o vocablo debería facer referencia a existencia dunha cruz ou dun cruceiro, non pode descartarse etimolóxicamente que se refira a un marco ou pedra que sinalara algún límite territorial, así como o feito de que se empregue a palabra "cruz" para facer referencia a cruces de camiños.